Eduki nagusira joa

Nabigazio-menura joan

Premio Peña Ganchegui

Nabigazio-menura joan

FAQs


Beharrezkoa al da bai titulazioaren lekua, bai jardueraren kokapena egiaztatzea?

Peña Ganchegui Sariketara aurkezteko, arkitekto-titulua 2007ko ekainaren 15aren ondoren eskuratua izateaz gainera, aski da baldintza geografiko biotako bat betetzea: edota jardueraren egoitza Euskal Herriko Autonomia Erkidegoan edukitzea, edota gaitzen duen titulua Euskal Herrian bertan eskuratu izana. Aski da, hortaz, bietako bat egiaztatzea, biak betetzen badira ere.

Nahitaez bete behar al dute talde bateko kide guztiek gaitzen duen titulua 2007ko ekainaren 15aren ondoren eskuratua izateko baldintza?

Hautagaitza talde moduan aurkezten baldin bada, nahitaezkoa da arkitekto taldekide bakoitzak betetzea titulua eskuratu zuenetik 10 urte baino gutxiago igaro direlako baldintza.

Era guztietako proiektuak aurkez al daitezke, izan eraikiak edo izan eraiki gabeak?

Saria lan-multzo bati ematen zaio, eta lan horiek hainbat eratakoak izan daitezke: obrak, proiektuak, lehiaketa-proposamenak, ikerketa-lanak… Aintzat hartuko da Arkitekturaren esparruari ekarpen bat egin diezaiokeen edozein ekoizpen, eremu eta eskala guztiak hartuz, zentzurik zabalenean.

Aurkez daiteke Peña Ganchegui Sarira bere lana Euskal Herrian egiten ez duen talde bat, baina taldekide bat daukana titulua Euskal Herrian eskuratu duena?

Baldin taldekide guztiek betetzen ez badute gaitzen duen titulua Euskal Herrian eskuratua delako baldintza, bakar-bakarrik baldintza hori betetzen duten kideak aurkeztu ahal izango dira, eta banaka gainera, ez talde gisa.

Sar daiteke kanpoko bulegoko lanik (eta araudiaren baldintzak betetzen ez dituztenak) ibilbide profesionala ilustratzen duen material grafiko bezala?

Hautagaiak obrak, proiektuak eta ikerlanak sar ditzake, beti ere arkitekturaren alorrari ekarpen bat egiten badiote, esparru eta eskala guztietan, objektuen diseinutik lurraldeko interbentzioetara arte. Aukeraketan kandidatuarekiko edozein harreman gradu dituzten lanak onartuko dira: nahiz bakarko autoretza, nahiz partekatutakoa. Zirkunstantzia hau argi eta garbi esan behar da, eta, logikoki, epaimahaiak lan bakarkakoari lehentasuna emango dio.

Memoriak merituen deskribapen bat izan behar du, hautagaiaren ibilbidari buruzko datu nabarmen guztiekin? Ala iritziak eta lehen pertsonako ideiak bildu ditzakeen testu librea izan daiteke?

Memoriari (DIN A4 formatu bertikalean) eta dokumentu argigarriari (DIN A3 formatu horizontalean) dagokionez, bai edukia, bai konposizioa libreak dira. Lehenengoan, hautagaiak 500 hitz baino gutxiagotan aurkeztu behar du ebaluatutako ibilbidea. Bigarrenean, berriz, material grafiko edota idazkien bidez, Peña Ganchegui Sariara aurkezten den ibilbidea ilustratu behar du.

Baseak irakurtzean ez dugu hizkuntzaren inguruan ezer ikusi... euskaraz aurkeztu ahalko litzateke? edota gaztelaniaz idatzita egon behar behar du?

Oinarriek ez diote ezer hizkuntzari buruz hautagai bakoitza bere lana egokiagotzat hartzen duen hizkuntzan aurkeztetik librea delako. Izatekotan, epaimahaiak hitz egiten ez dituen hizkuntzetan (euskararen kasua aurtengo edizioan) aurkeztutako proposamenak gaztelaniara itzuliko dira.

Aurkezpen memoriak bakarrik testua eduki behar du? edo zenbait irudi eduki ditzake? Testuari dagokionez, konposizioarekin joka dezakegu edo paragrafoetan antolatutako testu batera mugatu behar dugu?

Aurkezpenaren memoriak (DIN A4 formatu bertikalean) hautagaia 500 hitz baino gutxiagotan aurkezten du, eta, beraz, ez da irudirik onartzen. Muga horretatik kanpo, bere edukia eta osaera, dokumentu ilustratiboaren kasuan bezala (6 orrikoa gehienez DIN A3 formatu horizontalean), guztiz libreak dira.

Zer da zehazki "parte hartzeko beharrezkoak diren baldintzak betetzen direla egiaztatzen duen dokumentazioa"?

Hautagaia eta bere ibilbidea aurkezten eta ilustratzen dituzten bi dokumentuez gain, sarirako eskakizunak betetzen direla ziurtatzen duen dokumentazio osagarria entregatu behar da:

a)Baldintza geografikoa: Titulua, Euskal Herrian lortu bazuen; bestela, Euskal Autonomia Erkidegoko Jarduera Ekonomikoen gaineko Zergaren (JEZ) erregistro ziurtagiria.

b)Denborako baldintza: Titulua, 2007ko ekainaren 15a baino lehenago lortu zela justifikatzeko.

DIN A3 formatuko PDF dokumentuetan koloreak RGB edo CMYK izan behar du? Zein izan behar da fitxategien bereizmena?

PDF dokumentuaren espazioaren koloreak RGB izan behar du.

Erabakia librea da. Gidalerro gisa, desiragarria izango litzateke hura 150en eta 300 dpi-en artean egotea. Baina fitxategiaren tamainak baldintzatzen du erresoluzioa: Gehienera 5 PDF artxibo onartzen dira, 10 Mb baino txikiagoak neurriz, eskatutako dokumentazio guztirako (A4 memoria + A3 ibilbidea + dokumentazio egiaztatzailea).